Instalación de pista de skate no velódromo de Atios no Porriño

Resumo do proxecto:

O proxecto promovido polo concello do Porriño, consistiu na creación dunha pista de skate no velódromo na parroquia porriñesa de Atios.

A instalación ten unha superficie total de 840 m2 e os elementos están construídos en  granito Rosa Porriño, poñendo en valor este recurso local, que tanto os identifica.

O acceso a esta instalación é libre e gratuíto e busca ofertar outra posible alternativa para a xuventude da vila, para a práctica dun deporte diferente así como potenciar e fomentar as relacións entre a mocidade, e desta co medio natural para un maior desfrute do tempo de lecer.