Aula de informática para centro de rehabilitación psicosocial e laboral e vivenda protexida en A Guarda

Resumo do proxecto:

O proxecto Leader consistiu na creación dunha aula de informática equipada para impulsar as novas tecnoloxías e redes sociais entre as persoas usuarias, familiares e persoas afectadas directa ou indirectamente por unha enfermidade mental.

A Asociación Avelaiña foise convertendo nun referente en saúde mental no Baixo Miño, con máis de 20 anos traballando e desenvolvendo novos servizos entre os que destacan o centro co que conta en A Guarda e a vivenda protexida, que dan servizo a mais de 40 persoas usurarias.

No novo espazo creado, ofertar un lugar de encontro e formativo que axude ao impulso e ao manexo destas novas ferramentas que as tecnoloxías nos amosan, para manter un contacto directo co mundo real e actual, no que como se demostra, as tecnoloxías e as redes sociais forman parte da vida cotiá de todas as persoas, axudando así na medida do posible a que as persoas usuarias non padezan ou se sintan excluídas por non adaptase as novas necesidades da vida actual.