Creación de centro forestal adaptado TIC

Resumo do proxecto:

O proxecto consiste na rehabilitación dunha edificación propiedade desta comunidade de montes para a creación dun Centro forestal adaptado TIC para as persoas maiores.

A recuperación de dito inmoble supón a posta en valor do patrimonio rural, creando un centro de referencia forestal polivalente e adaptado TIC, onde se integran funcións como: aula adaptada TIC para persoas maiores, aula de interpretación do monte, espazo de charlas e conferencias relacionadas co medio natural, zona de exposicións de carácter etnográfico e de actividade cultural e oficinas administrativas desta comunidade de montes.

A súa ubicación, xunto ao parque biosaudable promovido tamén por esta comunidade de montes e colindante coa Praza do Maio e coa igrexa parroquial, completarán a oferta de usos múltiples do entorno adaptado ás persoas maiores e con mobilidade reducida, compendiarán unha oferta administrativa, cultural, lúdica, deportiva e relixiosa no mesmo entorno.