Reforma de espazo para lavandería e centro de pasar o ferro inclusiva e sostible

Resumo do proxecto:

EVD Galicia é un centro de mulleres con diversidade funcional intelectual ubicado no Concello de Mos, que funciona como residencia e centro ocupacional dando servizo a 80 usuarias.

O proxecto consistirá no acondicionamento dun espazo existente no centro (obra civil e instalacións) para a creación dunha lavandería inclusiva e sostible, na que participarán aquelas mulleres do centro interesadas en aprender e dar un servizo de lavandería desde o propio centro, coa finalidade de favorecer a autonomía das mulleres.

Durante todo o proceso, as participantes contan con persoal de apoio para formarse nas tarefas propias dunha lavandería industrial.

O obxectivo principal que se busca co proxecto é potenciar as habilidades e capacidades socio laborais das mulleres que participan e fomentar o enlace a un desenvolvemento laboral óptimo, e así ter unha oportunidade de inserción laboral.